HISTORIKE! Shpëtim Duro shpallet kampion me Strugën në Maqedoninë e Veriut

 

Skuadra e Strugës është shpallur kampione e Maqedonisë së Veriut për herë të parë në historinë e e saj dhe suksesi i jashtëzakonshëm i një skuadre e cila deri pak vite më parë gjendej në kategoritë më të ulëta të futbollit maqedonas, mban edhe emrin e Shpëtim Duros.

Trajneri mori drejtimin e kësaj skuadre në mars dhe ia doli që ta udhëhiqte drejt titullit të parë kampion në histori klubin i cili kësisoj do të luajë në Ligën e Kampioneve.

Suksesi historik u sigurua falë fitores sot me shifrat 3-0 ndaj Sileksit, falë golit të Ibraimit në pjesën e parë dhe dygolëshit të Shabanit në pjesën e dytë.

Këto shifra, si dhe fitorja 2-1 e Shkupit përballë Shkëndijës, bënë që titulli të shkonte për Struga Trim-Lum dhe t’i jepte një sukses të rëndësishëm trajnerit shqiptar i cili i kishte shkuar shumë afër edhe disa vite më parë në stolin e Shkëndijës.

REZULTATET

Akademija Pandev-Tikvesh 1-4

Makedonija GP-Pobeda 7-0

Rabotniçki-Bregalnica 5-4

Shkupi-Shkëndija 2-1

Struga-Sileks 3-0