SUPERLIGA E KOSOVËS/ Ballkani mund rivalët për titull dhe i barazon në kreun e renditjes

7 May, 2023

7 May, 2023

Ndeshjet e javës së 33-të në Superligën e Kosovës kanë sjellë barazi në kryesim, duke bërë që gara të hapet plotësisht sa i përket fituesit të kampionatit.

Kjo, pasi Ballkani ka mundur me shifrat 2-1 në transfertë Dritën, duke barazuar këtë të fundit në kuotën e 66 pikëve në vendin e parë. Skuadra e drejtuar nga Ilir Daja kaloi e para në avantazh me anë të Korenicës, por u barazua në fundin e pjesës së parë nga Jashari. Goli i Dellovës pak minuta para fundit të sfidës, solli suksesin për kampionët në fuqi.

Me kampionatin që ka edhe tre javë deri në fundin e tij, të dy skuadrat tashmë nuk kanë luksin të gabojnë dhe vetëm rezultatet e ardhshme do të ndajnë se cila prej tyre e meriton të çojë lart trofeun.

REZULTATET
Drita-Ballkani 1-2
Llapi-Ferizaj 0-0
Prishtina-Gjilani 0-0

PANORAMASPORT.AL