Hazard i mbetet në derë Realit, do të mbyllë kontratën te madrilenët

Hazard i mbetet në derë Realit, do të mbyllë kontratën te madrilenët
8 May, 2023
8 May, 2023
Sulmuesi i Realit të Madridit, Eden Hazard, është zhdukur nga planet e Ançelotit prej kohësh. Prej kohësh, gjithashtu ai mban mbi shpinë kartelën “në shitje”.
Por pavarësisht situatës aspak komode në Madrid, i lënë në harresë dhe pavarësisht ofertave në adresë të tij, belgu e ka ndarë mendjen për të respektuar deri në fund kontratën me klubin e drejtuar nga Florentino Perez. Hazard ka një kontratë me Realin deri në vitin 2024 dhe siç ia ka bërë të qartë klubit nuk i shkon në mendje ideja për t’u larguar nga Reali para se të përmbushë kontratën.
Belgu ka luajtur vetëm 331 minuta në këtë sezon, por në një deklaratë të dhënë për “Cadena Cope”, i pyetur për të ardhmen e tij ai tha: “Ka qenë një vit i vështirë për mua. Por do të punoj fort me shpresën se do të luaj më shumë. Jam mirë në Madrid”.
PANORAMASPORT.AL