Në kontejnerin me banane iu gjet kokainë, SPAK kërkon pushimin e hetimit për babain e Arbër Çekajt
SPAK kërkon pushimin e hetimit për Selim Çekajn, i akuzuar për trafikimin e 49 kg kokaine nga Ekuadori në Shqipëri. Lajmi bëhet i ditur për BalkanWeb nga gazetarja Klodiana Lala.
Çekaj është babai i Arbër Çekajt, i dënuar për trafikimin e 613 kg kokaine. Nga hetimi i SPAK nuk është provuar dijenia e Selim Çekajt mbi drogën, qe u gjet në një kontenier bananesh të porositur nga një kompani nën administrimin e tij.
Ndërkohë SPAK vijon hetimin për identifikimin e trafikantëve të sasisë së kokainës. Pas arrestimit në prill 2021 Selim Çekaj qëndroi disa muaj në burg dhe më pas masa ndaj tij u lehtësua.
(BalkanWeb)
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
–
