VIDEO/ Fitorja e pestë radhazi për Interin në Serinë A, zikaltërit mundin Sasuolon dhe marshojnë drejt Champions-it

13 May, 2023

13 May, 2023

Interi ka arritur një fitore mes vuajtjesh në javën e 35-të në Serinë A kundër Sasuolos me rezultatin 4-2 brenda në “San Siro”.

Pjesa e parë nisi me ritëm nga të dyja skuadrat, por goli erdhi në minutën e 42’ me anë të Lukakut.

Në pjesën e dytë çdo gjë u duk e lehtë për zikaltërit, të cilët gjetën dy herë rrjetën brenda 3 minutash me një autugol të Tresoldit dhe një gol të Lautaros.

Por miqtë nuk u dorëzuan, të cilët gjetë dy herë rrjetën. I pari për ta erdhi në minutën e 63’ me Laurienten, ndërsa tjetri u shënua nga Fratezi në minutën e 77’.

Gjithsesi ai që i dha fund sfidës ishte sërish Lukaku, i cili në minutën e 89’ shënoi dhe golin e katërt për zikaltrit.

Kështu Interi parakalon Lacion duke u ngjitur në vendin e tretë dhe duke hedhur një hap të sigurt në garën për Champions, ndërsa Sasuolo nuk luan për asnjë objektiv këtë sezon, duke qëndruar në vendin e 13-ë.

REZULTATI:

INTER 4-2 SASUOLO

Lukaku 41′, 89′, Tresoldi (A.G) 55′, Lautaro Martinez 58′ / Henrike 63′, Fratezi 77′

NGJERJET KRYESORE:

90+4′ Mbyllet sfida me fitoren e Interit!

90′ Akordohen 4 minuta shtesë.

89′ GOOOL INTER 4-2/ Lukaku futet brenda zonës dhe me një gjuajtje me të majtën gjen rrjetën.

84′ Brozoviç shkakton një ndërhyrje të gabuar ndaj Berardit dhe ndëshkohet me karton të verdhë.

79′ Zëvendësim te Interi. Largohet Belanova dhe në vendin e tij futet Darmian.

77′ GOOOL SASUOLO 3-2/ Fratezi gjen një top me kokë dhe goditja e tij shkon në rrjetë.

76′ Zëvendësim i dyfishtë nga Sasuolo. Largohen Toljan dhe Henrike, në fushë Zortea dhe Thorstvedt.

75′ Pinamonti provon me një gjuajtje brenda zonës, por Handanoviç arrin ta devijojë për t’i mohuar golin.

73′ Zëvendësim te Interi. Largohet De Vraj dhe në vendin e tij futet Bastoni.

70′ De Vraj shkakton një ndërhyrje të gabuar dhe ndëshkohet me karton të verdhë.

66′ Henrike shkakton një ndërhyrje të gabuar dhe ndëshkohet me karton të verdhë.

64′ Zëvendësim te Sasuolo. Largohet Tresoldi dhe në vendin e tij futet Ferrari.

63′ GOOOL SASUOLO 3-1/ Berardi hedh një krosim drejt zonës dhe Henrike me një goditje me kokë çon topin në rrjetë.

61′ Zëvendësim i dyfishtë nga Interi. Largohen Mkihtarjan dhe Dimarko, në fushë Asllani dhe Gosens.

58′ GOOOL INTER 3-0/ Lautaro gjuan nga distanca, me topin që devijohet sërish nga Tresoldi dhe shkon në rrjetë.

57′ Zëvendësim i dyfishtë nga Sasuolo. Largohen Defrel dhe Lauriente, në fushë Pinamonti dhe Bajrami.

55′ GOOOL INTER 2-0/ Belanova provon me një gjuajtje nga distanca dhe Tresoldi e devijon duke e çuar në portën e tij.

49′ Lautaro rrëmben një top brenda zonës, por goditja e tij shkon mbi kuadrat.

46′ Zëvendësim te Interi. Largohet Korrea dhe në vendin e tij futet Lautaro Martinez.

46′ Starton pjesa e dytë!

45+2′ Mbyllet pjesa e parë!

45′ Akordohen 2 minuta shtesë.

42’Tresoldi shkakton një ndërhyrje të gabuar dhe ndëshkohet me karton të verdhë.

41′ GOOOL INTER 1-0/ Lukaku lëshon një predhë nga jashtë zone me të majtën dhe e çon topin në trekëndësh.

30′ Defrel shkakton një ndërhyrje të gabuar ndaj Mkhitarjanit dhe ndëshkohet me karton të verdhë.

19′ Berardi hedh një krosim drejt zonës dhe Henrike provon me kokë, por tentativa e tij shkon jashtë.

15′ Korrea merr një top nga Dimarko dhe me një gjuajtje e çon në rrjetë, por gjyqtari e anulon për një pozicion të parregullt. E konfirmon dhe VAR-i.

12′ Nuk ka gol. VAR-i e anulon për pozicion të parregullt.

11′ Lauriente hedh një krosim drejt zonës dhe Berrdi me këmbën e zgjatur çon topin në rrjetë.

4′ Fratezi rrëzohet në zonë dhe pretendon për një penallti, por gjyqtari nuk e shikon si të tillë.

1′ Starton sfida!

FORMACIONET ZYRTARE:  

PANORAMASPORT.AL