Plagoset me armën e shërbimit efektivi në Tiranë, policia: 47-vjeçari po merr ndihmë mjekësore!

Këtë të hënë është raportuar për një të plagosur tek Pediatria në Tiranë.

“BalkanWeb” mëson se 47-vjeçari Sh.H., një punonjës i policisë së burgjeve është vetëplagosur me armë zjarri.

I plagosuri raportohet se është jashtë rrezikut për jetën. Sipas policisë 47-vjeçari ndodhet në Spitalin e Traumës ku po merr ndihmën mjekësore.

Tiranë/Informacion paraprak

Më datë 15.05.2023, rreth orës 18:10, te spitali “Nënë Tereza”, te parkimi i urgjencës së pediatrisë, shtetasi Sh. H., 47 vjeç, (punonjës Policie në sistemin e burgjeve) dyshohet se është vetëplagosur me armën e shërbimit që mbante me vete.

47-vjeçari ndodhet në Spitalin e Traumës ku po merr ndihmën mjekësore.

Grupi hetimor në bashkëpunim me Prokurorinë po punon për sqarimin e rrethanave të ngjarjes.

(BalkanWeb)