Greqia nuk “gjen paqe”/ GJKKO lë në burg Fredi Belerin, reagon Ministria e Jashtme helene: Vendimi, kundër perceptimit europian të së drejtës

Ministria e Jashtme e Greqisë ka reaguar në lidhje me masën e sigurisë të dhënë sot nga GJKKO për kandidatin fitues të “Bashkë Fitojmë” në Himarë, Fredi Beleri.

Në reagimin në faqen zyrtare, kjo ministri pretendon se masa e sigurisë “Arrest me burg” ndaj Belerit është kundër ndjenjës së drejtësisë së publikut dhe perceptimit europian të së drejtës.

“Zgjatja e paraburgimit të Fredi Belerit, tashmë i zgjedhur Kryetar i Bashkisë Himarë, është kundër ndjenjës së drejtësisë së publikut dhe perceptimin evropian të shtetit të së drejtës”, thuhet në reagim.