VIDEO/ Trajneri i Lids bëhet viral, i ofron para arbitrit të katërt gjatë ndeshjes

22 May, 2023

22 May, 2023

Një situatë komike vjen nga Premier Liga angleze, aty ku protagonist është bërë trajneri Sem Alardais në ndeshjen mes Uest Ham dhe Lids.

Trajneri i Lids gjen 5 paundë në tokë pranë pankinës së tij dhe ishte pikërisht një moment kur kamerat e kishin në fokus. Trajneri i merr paratë dhe ia ofron arbitrit të katërt të ndeshjes, duke shkaktuar jo pak të qeshura.

Natyrisht, arbitri nuk i ka pranuar ndërkohë që trajneri ia ka ofruar edhe asistentit të tij, por edhe ky i fundit i ka refuzuar. Në kushte të tilla, tekniku i ka futur në xhep. Videoja është bërë shpejt virale në rrjetet sociale duke shkaktuar jo pak të qeshura, teksa nuk mungojnë as batuta të tipit: “Ka tentuar ta blejë”.

PANORAMASPORT.AL