Ekzekutoi të gjithë familjen shqiptare, dënohet 4 herë me burgim të përjetshëm 61-vjeçari në Greqi

Dënohet me 4 herë burgim të përjetshëm vrasësi i familjes shqiptare në Andravida.

Gjykata e Patrës ka vendosur për 61 vjeçarin dënimin më të madh duke e shumëzuar me katër herë, sa ishin dhe viktimat e tij, një çift dhe dy djemtë e mitur 1 dhe 2 vjeç, duke i’u bashkuar plotësisht akuzës të ashpër të prokurorit për një vrasës të egër, që bëri çdo gjë në gjakftohtësi e pasi mbyti dhe foshnjen me duart e tij, ndërroi rrobat e u largua nga zona.

Ngjarja e frikshme e vrasjes së një familje të re shqiptare vetëm për 2 qira të papaguara në 3 mars të 2022 ka ngrirë jo vetëm banorët e Andravidas, por gjithë Greqinë ndërsa akoma dhe sot shumë banorë deklarojnë se jo vetë që shtëpia ku djali i madh i familjes gjeti trupat pa jetë të prindërve dhe vëllezërve të mitur nuk banohet nga askush, por edhe shumica e tyre nuk munden akoma të kalojnë as nga rrugica ku ndodhet.

Dënimi maksimal dhe tepër i rreptë për vendasin 61 vjeçar përmban dhe 21 muaj për armëmbajtje pa leje dhe 900 euro gjobë.

(BalkanWeb)