“Dua të ndihmoj skuadrën në Europë”, prezantohet Mazrekaj: Dihen raportet me Duron, ja çfarë më bindi

11 June, 2023

11 June, 2023

Mentor Mazrekaj u prezantua zyrtarisht si futbollist i Struga Trim Lum në Maqedoninë e Veriut, teksa shprehet se ishte trajneri Shpëtim Duro ai që e bindi për të qenë pjesë e Strugës.

TRANSFERIMI? “Ky transferim erdhi nga insistimi i profesor Shpëtim Duros. Dihen raportet që kam me të dhe realisht nuk mund ta refuzoja. Jam shumë i lumtur që do të jem pjesë e skuadrës së Struga Trim Lum, që edicionin e kaluar shkroi histori duke u shpallur kampion i Maqedonisë.

Shpresoj se do të adaptohem shpejtë këtu. Një mikpritje e ngrohtë që në ditën e parë bënë që të besoj këtë gjë, ndërsa gjithashtu besoj se me eksperiencën time do të ndihmojë skuadrën fillimisht në garat europiane, aty ku kemi luajtur edhe bashkë me profesor Duron, por gjithsesi edhe në kampionat, ku me epitetin e kampionit, do ta kemi paksa më të vështirë, pasi tashmë gjitha skuadrat do shohin me sy ndryshe ndaj nesh, megjithatë neve jemi kampion dhe si të tillë besoj se edhe sezonin e ri do luajmë një rol të rëndësishëm në Ligën e Parë”, tha Mazrekaj.

PANORAMASPORT.AL