Realizoi një kryevepër, Asani: Kam një dedikim për golin, të japim më të mirën për Europianin

18 June, 2023

18 June, 2023

Jasir Asani ishte protagonist me Shqipërinë duke shënuar një gol mjaft të bukur ndaj Moldavisë. Sulmuesi nga Shkupi u ndal pas ndeshjes në një intervistë për “FSHF”-në, ku u shpreh i lumtur për golin dhe shtoi se duhet edhe shumë për në Europian.

“Golin ia dedikoj familjes sepse dëshira ime ka qenë gjithmonë të luaj për Shqipërinë. Të luash me kaq tifozë, nuk e di, nuk mund ta përshkruaj. Këtë gol ia dedikoj të gjithëve sepse kemi bërë shumë në stërvitje. Kishim nevojë për këto dy ndeshje dhe tani shohim të radhës.

Normal që sot mund të festojmë por duhet të fokusohemi sepse vjen shpejt ndeshja e radhës. Besoj se do të japim maksimumin sepse ka edhe shumë finale të tjera. Kemi tifozët më të mirë në botë sepse me mbështetjen e tyre ia dolëm dhe shpresoj t’i bëjmë krenar”, tha Asani.

PANORAMASPORT.AL