Rezidenca FOLE mirëpret rreth 600 studentë, marrin pjesë në Kampionatin Europian Universitar të Futbollit, Tirana 2023

Kampionati Europian Universitar i Futbollit do të zhvillohet për herë të parë në vendin tonë. Rreth 600 studentë sportistë, nga e gjithë Evropa dhe universitete të ndryshme janë bërë pjesë e garës.

Adam Roczek nga Shoqata Europiane e Sportit Universitar u shpreh se janë të lumtur që janë në Shqipëri për kampionatin evropian universitar të futbollit 2023.
“Ndoshta shumë prej studentëve vijnë për herë të parë, por jam shumë i sigurte që do bien në dashuri me Shqipërinë dhe do kalojnë shumë mirë këtu”, tha Adam Roczek nga Shoqata Europiane e Sportit Universitar.
Në kampionat janë 28 ekipe, 16 skuadra djem dhe 12 vajza, teksa në garë është edhe një ekip shqiptar nga Universiteti “Fan Noli” i Korçës.

“Futbolli është shumë i rëndësishëm në Kroaci, shpresojmë të arrijmë rezultate të mira”, tha një studente.

Besnik Veliu, President i Federatës Shqiptare të Sportit Universitar tha se është arritje për Shqipërinë që për herë të parë zhvillohet një kampionat evropian universitar i futbollit. “Marrin pjesë nga 28 universitete nga e gjithë Evropa për tu shpallur kampion. Por ajo që dua të theksoj është se nuk ka ndodhur kurrë më parë që një aktivitet i tillë që në thirrjen e parë të zihen të gjitha vendet. Do të jetë një ndër kampionatet më të bukura të këtij lloji të organizuar në Shqipëri”, tha Besnik Veliu, President, Federata Shqiptare E Sportit Universitar.

Që ky kampionat të vinte në vendin tonë, duhej edhe një akomodim që plotësonte standardet evropiane, dhe e vetmja që i arrinte kushtet, ishte rezidenca FOLE.
“Gjithë kjo mbështetje dhe ky sport që po ofrojmë këtu është vizioni i fëmijëve të mi për të krijuar një akomodim kaq të madh në Tiranë që po e provojmë sot me ardhjen e gjithë këtyre sportistëve nga e gjithë Evropa. Faleminderit të gjithëve që na besuat ne”, tha Z.Behar Çukaj, CEO i BOLV Grup.

“Jemi krenar që rezidenca FOLE është përzgjedhur për akomodimin dhe paketën full board për të gjithë pjesëmarrësit e kampionatit. Si e vetmja rezidencë që plotëson standardet evropiane në vendin tonë. Bashkërisht jam e sigurte që do të ofrojmë një provojë të paharrueshme për të gjithë pjesëtarët e këtij kampionati.”, tregoi Esmeralda Duka, Menaxhere e Përgjithshme e FOLE.

“Rezidenca Fole është e mrekullueshme me një akomodim perfekt, jemi shumë të lumtur këtu”, tregoi studentja.

“Tek Fole rezidencë ne patëm mundësinë për të ofruar gjithçka na duhej. Qoftë nga kapaciteti për të akomoduar pjesëmarrësit e këtij kampionati, qoftë për kapacitetin e këtij koncerti që është tek 1 mijë të ftuar’, tha organizatorja.
Mbajtja e këtij kampionati në Shqipëri shihet si një hap i rëndësishëm për sportin e kësaj kategorie. Në rezidencën FOLE, që është pjesë e grupit BOLV, sportistët e huaj do qëndrojnë deri më datën 3 korrik.