VIDEO/ Shpërndau reklama për biznesin e tij, dalin pamjet kur dy persona tentojnë të dhunojnë të moshuarin në Himarë

Këto janë pamjet ku shfaqet se si para disa ditësh në zonën e Llamanit, pranë Himarës dy persona tentojnë të dhunojnë një të moshuar.

Në pamje duket qartë se si ata mbërrijnë pranë vendit ku ndodhet 74-vjeçari Luka Qirici, ndërsa tentojnë ta dhunojnë të moshuarin me sende të forta.

Qirici me mjete të forta nga 35-vjeçari A. M. dhe 24-vjeçari K. M. , ndërsa dyshohet se arsyeja e konfliktit ka qenë se Qirici ka dërguar dy punonjësit e tij shtetasit R. L dhe R. A., të shpërndanin disa fletëpalosje për të reklamuar biznesin e tij, i cili ndodhet afër me subjektin e palës tjetër të përfshirë në këtë konflikt.

Megjithatë, asnjë nga shtetasit e përfshirë në këtë konflikt nuk ka ngelur i dëmtuar, pasi konflikti është neutralizuar në kohë nga efektivët e Policisë.

Sakaq, Qirici ka kallëzuar te autoritetet përkatëse personat që tentuan ta dhunojnë, ndërsa strukturat hetimore të Komisariatit të Policisë Himarë, në përfundim të veprimeve proceduriale do të referojnë materialet në Prokurori, për veprime të mëtejshme.