VIDEO/ Tirana nuk dorëzohet kurrë! Lushkja në shtesë i jep barazimin bardhebluve ndaj Dinamo Batumi

13 July, 2023

13 July, 2023

Tirana e ka mbyllur me një barazim dramatik ndeshjen e saj të parë ndaj Dinamo Batumi në “Air Albania”, në turin e parë të Ligës së Konferencës.

Skuadra e drejtuar nga Orges Shehi ka zhvilluar një ndeshje të kujdesshme, pa lënë shumë hapësira për miqtë, por edhe pa krijuar shumë para portës kundërshtare. E megjithatë, në pavëmendjen e parë, ajo u ndëshkua nga braziliani Flamarion, pas një përgjumje të vijës së mbrojtjes.

Shehi iu kthye emrave të sezonit të kaluar, duke aktivizuar futbollistë si Përgjoni, Lushkja, Lulaj e Haxhiu. Dhe Tirana në fund ia doli të barazonte pikërisht falë kontributit të lojtarëve të stolit, pasi Përgjoni gjeti Lushkjen për devijimin vendimtar i cili vulosi në shtesë barazimin 1-1 që lë gjithçka të hapur për sfidën e kthimit.

TIRANA-DINAMO BATUMI 1-1
90’+2′ Lushkja/ 66′ Flamarion

NGJARJET KRYESORE

90’+4’ Mbyllet ndeshja me barazimin 1-1.

90’+2’ GOOOL TIRANA! Pas një harkimi të Përgjonit nga e majta, Lushkja gjen devijimin e duhur dhe barazon shifrat.

90’ Jepen 5 minuta shtesë.

89’ Abazaj niset me një sprint të shpejtë nga e djathta por pastaj gabon gjithçka me krosimin e tij që fluturon jashtë.

89’ Kapanadze gjen hapësirë para zonës në vijimin e një kundërsulmi të shpejtë dhe tenton portën, për fat pa gjetur katërkëndorin e bardhebluve.

86’ Shabradze merr vendin e Flamarion në fushën e lojës për skuadrën mike.

82’ Mundësi e dyfishtë e Tiranës me një gjuajtje të Lushkjes e më pas të Hasanit që bllokohen nga portieri i miqve.

78’ Zëvendësim i trefishtë te Tirana me Latifin, Hoxhallarin e Jonuzin të cilët lënë fushën e lojës. Në vend të tyre aktivizohen Haxhiu, Lulaj e Lushkja.

76’ Gjuajtje-kros e Dokës nga e djathta, portieri grushton dhe nis një kundërsulm të shpejtë me Bidzinashvili por Selmani pret i vëmendshëm.

72’ Një pasiguri mes Hoxhallarit dhe Selmanit në një pasim mbrapa, krijon vështirësi para zonës së bardhebluve me daljen e portierit, por në fund është mbrojtësi i cili largon në rivënie anësore.

71’ Litvinenko i lë vendin në fushë Masiashvilit te Dinamo Batumi.

69’ Shehi përgjigjet duke aktivizuar Përgjonin në vend të Micit.

67’ Gudushauri dhe Kapanadze hyjnë në fushë në radhët e Dinamo Batumi, në vend të Zaria dhe Tsitaishvili.

66’ Pakujdesi e bardhebluve në krahun e majtë të mbrojtjes dhe më pas është Flamarion ai i cili finalizon aksionin duke i dhënë avantazhin Dinamo Batumit 0-1.

65’ Në vijimin e një goditje këndi, Hasani harkon në zonë, por gjuajtja e Najdovskit nuk gjen katërkëndorin.

63’ Giorbelidze ndëshkohet me karton të verdhë pas një faulli ndaj Hasanit i cili ishte nisur në kundërsulm të shpejtë.

57’ Kthesë e rrufeshme e Hasanit, i cili provon diagonalen në shtyllën e dytë nga e majta, por sfera nuk gjen rrjetën.

56’ Miqtë kanë kontrollin e topit në këto minuta, duke qarkulluar sferën dhe kërkuar hapësirat për të rrezikuar portën e Selmanit.

51’ Tsitaishvili nga e djathta shmang Hoxhallarin dhe Micin, por pasimi i tij në qendër largohet nga Najdovski në këndore.

49’ Hila tenton edhe ai nga distanca në pozicion ballor, topi ndalet në duart e portierit mik.

48′ I sapofuturi në lojë rrezikon me një gjuajtaje të fortë, pa gjetur portën e Selmanit.

46’ Pjesa e dytë nis me zëvendësim te miqtë, pasi Jakobsen i lë vendin në fushë Bidzinashvilit.

45’+2′ Mbyllet pa gola pjesa e parë e ndeshjes.

45′ Jepen 2 minuta shtesë.

41’ Doka ka mundësinë e artë që të shënojë në portën kundërshtare, gjuajtja e tij përfundon jashtë, jo  shumë larg shtyllës në të djathtë të portierit.

36’ Hasani tenton të gjejë portën nga distanca, por nuk ia del të gjejë katërkëndorin.

30’ Aksion i shpejtë i bardhebluve me Jonuzin i cili gjen Latifin në të majtë, por gjuajtja e tij përfundon në duart e portierit.

28’ Zaria lëshon një gjuajtje të fortë nga jashtë zonës, sfera kalon lart mbi traversën e Selmanit.

26’ Pas një harkimi nga e majta, Hasani gjuan me kokë por dërgon topin pak mbi traversën e portës kundërshtare.

21’ Pas goditjes nga këndi, është Hila i cili gjuan drejt portës, por sfera nuk shkon në katërkëndor pasi devijohet nga një mbrojtës.

21’ Vjen sinjali i parë i bardhebluve, me një gjuajtje të Hoxhallarit që grushtohet jashtë nga portieri.

16’ Pas një goditje dënimi nga e majta e sulmit, Kobakidze gjuan me kokë por nuk gjen portën.

8’ Pas zhvillimit të goditjes nga këndi, një devijim i mbrojtësve bardheblu vë në vështirësi Selmanin, por ky i fundit kontrollon sferën.

7’ Teidi gjuan nga distanca, topi devijohet rrezikshëm dhe shkon në këndore.

5’ Jakobsen provon nga distanca, sfera përfundon qetësisht në duart e Selmanit.

1’ Nis ndeshja në “Air Albania”.

FORMACIONET ZYRTARE

PANORAMASPORT.AL