Basha uron Tajanin për zgjedhjen në krye të Forza Italia: Pres me padurim bisedimet për bashkëpunim me PD

Me një postim në Twitter, Lulzim Basha ka uruar Antonio Tajanin për zgjedhjen e tyre në krye të Forza Italia.

Duke i uruar suksese në krye të partisë, Basha shprehet me se pret me padurim të takohet e të bashkëbisedojë në familjen e PPE për bashkëpunimin mes PD dhe Forza Italia dhe forcimin e marrëdhënieve mes dy partive dhe Shqipërisë me Italinë.

Postimi i plotë:

Urime për Antonio Tajani për zgjedhjen e tij në krye të Forza Italia. Jam i bindur se vizioni i tij do të jetë në lartësinë e sfidave të rëndësishme për partinë e tij, Italinë dhe gjithë Europën.

Preës me padurim të takohem e të bashkëbisedoj në familjen e PPE për bashkëpunimin mes PD dhe Forza Italia dhe forcimin e marrëdhënieve mes dy partive dhe Shqipërisë me Italinë.