Futbollisti portugez i drejtëpërdrejtë: Zgjodha Arabinë Saudite për para
Arabia Saudite ia ka dalë të “rrëmbejë” nga Europa shumë nga futbollistët e rëndësishëm që kanë luajtur në kampionatet e mëdha. Ruben Neves firmosi me Al-Hilal, ku për 3 sezone do fitojë 75 milionë euro. Ish-futbollisti i Wolves, në një intervistë, u tregua i sinqertë kur tha se zgjedhja e bërë ishte për çështje ekonomike.
“Zgjodha Arabinë Saudite për t’i dhënë familjes sime jetën që kam dashur t’i ofroj gjithmonë. Ky është trofeu më i madh i karrierës sime. Projekti i Al-Hilal është padyshim më i miri.
Që kur filloi të qarkullonte lajmi i transferimit tim, rrjetet e mia sociale u çmendën. Ishte e pabesueshme të shihja numrin e madh të tifozëve dhe pasionin e tyre për futbollin. Kështu që ishte një vendim i mirë për mua dhe familjen time, jam i sigurt”, – tha ai.
()
