Byern Munich nuk dorëzohet për Harry Kane, kampionët e Gjermanisë me ofertë të tretë për Tottenham

Bayern Munich nuk dorëzohet për Harry Kane. Skuadra bavareze raportohet se shumë shpejt do të paraqesë një ofertë të tretë për Harry Kane, teksa vazhdojnë përpjekjet e tyre të pandërprera për të nënshkruar me sulmuesin anglez.

Kapiteni i Anglisë duket se do të largohet nga Londra këtë verë me vetëm një vit të mbetur në kontratën e tij aktuale. Afati aktual i transferimeve përfaqëson shansin e fundit të Spurs për të siguruar një tarifë të konsiderueshme nga shitja e Kane.

Deri më tani, shefi i klubit Daniel Levy ka shtruar kërkesa të mëdha për të, diçka që ka bërë që Manchester United të dalë jashtë garës. Bayern Munich është gjithashtu pretendent për nënshkrimin e tij këtë verë dhe ka paraqitur disa oferta. Të dyja janë refuzuar nga Spurs, por kjo nuk duket se i ka dekurajuar gjigantët gjermanë.

Sipas mediave gjermane, Bayern do të paraqesë një ofertë të tretë për shërbimet e tij. Oferta e tyre e tretë do të paraqitet sapo Spurs të kthehen nga turneu i tyre aziatik. Tottenham e vlerëson Kane 100 milionë sterlina. Oferta e fundit e Bayernit nuk ka gjasa të shkojë aq lart, por ata janë optimistë për të rënë dakord për një marrëveshje, ku nuk është çudi të përfshihet edhe ndonjë lojtar si shkëmbim.

()