E zuri poshtë cisterna e ujit/ Vdekja e punëtorit turk, policia arreston shoferin e kamionit

SKRAPAR

Policia e Skraparit ka arrestuar shoferin e kamionit pas vdekjes së shtetasit turk gjatë punës.

Specialistët për Hetimin e Krimeve të Komisariatit të Policisë Skrapar arrestuan në flagrancë për veprën penale “Shkelja e rregullave të mbrojtjes në punë”, shtetasin A. B., 45 vjeç, banues në Çorovodë, Skrapar, me detyrë shofer kamioni, pranë një firme të përpunimit të mermerit në fshatin Zaloshnje, Skrapar.

Kjo, pasi mbrëmjen e djeshme duke transportuar uji me një cisterno të cilën e kishte vendosur në karrocerinë e kamionit që drejtonte, cisterna ka rrëshqitur nga karroceria dhe ka përplasur shtetasin O.A., 60 vjeç, (shtetas turk), i cili ka ndërruar jetë.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.