Sommer drejt Interit, Tuchel: Portieri dëshiron largimin, nuk e mbajmë dot
Interi është në kërkim të një portieri dhe prej javësh objektiv kryesor është Yan Sommer i Bayern Munchen. Deri më tani mes palëve nuk ka marrëveshje, por diçka e tillë mund të vijë me kalimin e ditëve. Trajneri i kampionëve të Gjermanisë, Tomas Tuchel ka folur për këtë temë.
“E di që ka një dëshirë nga ana e lojtarit për t’u larguar, por në këtë pikë duhet të mbrojmë edhe interesat e klubit. Sommer është një portier i madh dhe është shumë i rëndësishëm në dhomat e zhveshjes falë eksperiencës që ka. Nuk është një moment i lehtë për të, pasi ka një kontratë me Bayernin dhe mund të qëndroj sërish në Munich.
Por, nga ana tjetër nuk mund ta pengojmë portierin edhe të mendoj për të tjera alternativa. Megjithatë, për momentin Sommer është portier i Bayern Munich, ndërsa Neuer po punon për t’u rikthyer sa më shpejt”, tha Tuchel.
()
