Egnatia flirton me mrekullinë, “tremb” Interin në miqësoren e luksit. Rrogozhinasit realizojnë dy gola, por Martinez me shokë i rikthejnë në realitet

Egnatia flirton me mrekullinë në tokën italiane duke trembur jo pak Interin në testin miqësor. Rrogozhinasit nuk stonuan përballë finalistëve të Champions League, por i shënuan dy gola, duke kaluar dy herë në avantazh. Në fund individët plot klas të Inzaghit bënë diferencën duke triumfuar me rezultatin 4-2, spikati Martinez me një “dopietë”.

Në mënyrë të pabesueshme, në zbritjen e parë në sulm, me një aksion model të finalizuar nga Dwamena, Egnatia kaloi në avantazh që në minutën e 6-të. Inter u “shkund” shpejt duke marrë kontrollin e lojës, duke provuar në çdo formë të gjente golin e barazimit, por portieri Sherri në një mbrëmje fantastike ndali çdo top që i shkoi në kudrat.

Pavarësisht presionit të Interit, Egnatia nuk stonoi në fushë, përkundrazi zhvilloi një ndeshje të bukur. Me fillimin e pjesës së dytë, mjaftoi një keqvendosje e Egnatias në prapavijë që Inter të gjente golin e barazimit me Barelan. Në zbritjen e radhës në zonën e Interit, gjatë zhvillimeve të një goditje dënimi, Egnatia fitoi një 11 metërsh për prekje të topit me dorë në zonë. Fernando nga pika e bardhë tregoi të gjithë klasin e tij duke shënuar një gol fantastik.

Në minutën e 72-Inzaghi ndryshoi pjesën më të madhe të ekipit, duke hedhur në fushë edhe Asllanin. Shtatë minuta më pas, Lautaro Martinez i vetëm në zonë, me kokë barazoi shifrat në 2-2. Inter shtoi presionin në zonë dhe në minutën 84-të Martinez fitoi një 11 metërsh dhe po vetë u tregua i saktë duke përmbysur shifrat në 3-2. Inter nuk u mjaftua me kaq dhe pak minuta më pas shënuan dhe golin e katërt duke i dhënë fund ëndrrës së Egnatias për të dale me një rezultat pozitiv.

NGJARJET KRYESORE 

68’ GOOOL EGNATIA! Shënon me “Panenla” Fernando! (SHIH VIDEON)

67’ Penallti për Egnatian, pas një harkim të Aleksit është Lautaro Martinez i cili prek topin me dorë në zonë,.

64’ Pas zhvillimit të goditjes nga këndi, topi shkon te Xhemajli para zonës dhe mbrojtësi gjuan, por çon sferën direkt në duart e Somer.

63’ Egnatia del me një aksion në krahun e djathtë, Fernando harkon në qendër duke detyruar Bastonin të çojë sferën në këndore.

59’ Kombinim i shpejtë në qendër i Barela me Lautaro Martinez, gjuajtja e këtij të fundit ndalet përsëri nga Sherri. (SHIH VIDEON)

59’ Harkim i Dumfrajs nga e djathta, Turam me kokë sheh topin të ndalet nga mbrojtja. Vjen Dimarko i cili gjuan duke e fluturuar mbi traversë. (SHIH VIDEON)

55’ Shënon Interi! Një top i gjatë i Bastonit gjen të vendosur gabim mbrojtjen e Egnatias, me Barelën i cili kontrollon në të djathtën dhe gjuan duke mposhtur Sherrin. (SHIH VIDEON)

53’ Dimarko nga e majta nis topin në shtyllën e parë për Lautaro Martinezin, gjuajtja e tij nuk shkon në katërkëndor.

50” Edhe Çalhanollu provon me një gjuajtje të fortë nga jashtë zonës. Sfera fluturon shumë lart mbi portë.

49’ Harkim nga e djathta në zonë për Dumfrajs i cili tenton roveshatën, duke çuar sferën shumë larg katërkëndorit. (SHIH VIDEON)

47’ Pas një goditje dënimi të Dimarkos, Dumfrajs gjuan me kokë por gjen edhe një herë në pozicion Sherrin. (SHIH VIDEON)

46’ Nis pjesa e dytë pa ndryshime në të dy skuadrat.

45’+2’ Mbyllet pjesa e parë me avantazhin 1-0 të Egnatias.

45’ jepet 1 minutë shtesë.

44’ Sherri është shpëtimtar! Pas një harkimi të Mkhitarjan nga e djathta për Lautaron, ky i fundit gjuan me kokë pak hapa larg portës, pro gjen përgjigjen e portierit. (SHIH VIDEON)

39’ Mkhitarjan nxjerr Turam në pozicion të shkëlqyer për të gjuajtur, por francezi nuk gjen portën me gjuajtjen e tij.

38′ Dimarko vë në provë Sherrin me një goditje dënimi nga e djathta, sfera shkon pastaj te Barela i cili gjuan dhe gjen edhe një herë gardianin ndërsa në fund Bastoni gjuan jashtë. (SHIH VIDEON)

36’ Mbrojtja e Egnatias hapet në qendër dhe i jep mundësinë Mkhitarjan që të gjuajë, por Sherri e ndal përsëri me ndërhyrjen e tij. (SHIH VIDEON).

35’ Barela nis një harkim në zonë për Turam, gjuajtja e tij me kokë kontrollohet nga Sherri. (SHIH VIDEON)

31’ Aksion i gjatë i Interit, Barela gabon pasimin për Lautaron në zonë dhe i jep mundësinë Xhemajlit të dalë me topin duke i dhënë qetësi skuadrës rrogozhinase.

27’ Duamena nis një aksion mjaft interesant pasi merr topin në gjysmëfushën zikaltër. Pasimi i tij shkon te Paulauskas në të djathtën, por sulmuesi shtyn topin më shumë se duhet dhe humb kontrollin në zonë.

24’ Barela nga jashtë zonës lëshon një gjuajtje drejt portës, sfera ndalet te Sherri.

22’ Përsëri Lautaro Martinez, këtë herë nga krahu i djathtë. Gjuajtja e tij ndalet nga Sherri në shtyllën e parë. (SHIH VIDEON)

20’ Lautaro Martinez krijon hapësirën para zonës dhe me të majtën tenton portën, pa gjetur përsëri katërkëndorin e Sherrit. (SHIH VIDEON)

17’ Mundësi e mirë e Interit për të shënuar me Barelan i cili ndalet nga Sherri, i cili më parë kishte bërë të njëjtën gjë ndaj Mkhitarjan. Aksioni ndalet për pozicion jashtë loje.

15’ Gjuajtje ballore nga distanca, Sherri kontrollon pa shumë probleme.

14’ Dimarko nga e majta e sulmit kroson në zonë, por Sherri është i vëmendshëm dhe pret në pozicion.

13’ Tjetër dalje në sulm me shumë pasime në krahun e djathtë për Egnatian, por në fund Lial nuk ia del të krosojë në qendër.

8’ Lautaro Martinez mundohet të gjejë shpejt barazimin në anën tjetër, por devijimi I Xhemajlit bën që sfera të përfundojë jashtë. (SHIH VIDEON)

6’ GOOOL EGNATIA! Aksion i shpejtë i rrogozhinasve me një pasim nga e djathta që gjen Duamenën dhe ky i fundit çon topin në rrjetë. (SHIH VIDEON)

4’ Sprint i Ndrecës në krahun e majtë, ai hyn në zonë, por duke shkaktuar faull ndaj Dumfrajs.

1’ Nis dueli në Ferrara.