Mbi 100 mln euro për riciklimin e mbetjeve në Fier e Elbasan, Rama: Nuk është vendosur asgjë e tillë! Hedh një budalla një gur në lumë dhe…
Kryeministri Edi Rama është shprehur përmes një postimi në rrjetin social “X” në lidhje me artikullin e BIRN, që shkruan se “qeveria shqiptare po planifikon të shpenzojë për dy vitet e ardhshme edhe 113 milionë euro për menaxhimin e mbetjeve për qarkun e Fierit dhe Elbasanit, pavarësisht se koncesionet e mëparshme prej 50 milionë eurosh për ndërtim inceneratorësh janë nën gjykim për veprat penale të korrupsionit dhe pastrimit të parave”.
Rama shkruan se nuk është vendosur asgjë e tillë, teksa në postim ka bashkangjitur edhe Fletoren Zyrtare, ku sipas tij mund të gjehet se se çfarë ka vendosur qeveria në mbledhjen e miratimit të Dokumentit të Politikave Prioritare.
Sipas kryeministrit media ka keqinformuar në këtë rast, ndërsa shton se kemi të bëjmë me një dokumenti orientues ku dhe shumat nuk lidhen vetëm me buxhetin, po edhe me financime të mundshme alternative.
Postimi i plotë:
Asaj shprehjes popullore, “hedh një budalla një gur në lumë dhe 100 të mençur s’e nxjerrin dot”, po i bashkangjis si adresë Fletoren Zyrtare, ku çdo shejtanbudalla nga ata që e kanë nxjerrë nga nuk e di ku, se qeveria paskej vendosur 100 e kusur milionë për të ricikluar mbetjet e… pic.twitter.com/3jUxJoJACY
— Edi Rama (@ediramaal) August 25, 2023
