“Thërriste Allahu Akbar”, 45-vjeçari shqiptar kthehet në hero, ndalon pasagjerin që tentoi të hapte derën e avionit (VIDEO)
Një 45-vjeçar me origjinë shqiptare është kthyer në hero, pasi ndaloi një person i cili tentoi të hapte derën emergjente të avionit në një lartësi mbi 9 mijë metra, gjatë fluturimit nga Tel Avivi për në Londër.
Victor Troboloni, ka rrëfyer për “The Sun” të gjithë ngjarjen. Ai ka treguar ishte nisur për të vizituar nënën e tij të sëmurë në qytetin Shën Albans, në Angli.
Gjithashtu ai u shpreh se kur e pa burrin që sillej çuditërisht gjatë fluturimit, nisi të dyshonte dhe po e vëzhgonte gjatë gjithë kohës.
“E pashë duke ecur, ndoshta duke kërkuar disa gjëra në avion… duke kontrolluar numrat e sediljeve. Unë jam vetë inxhinier avionësh, kam punuar në mirëmbajtje. Kështu që unë e di se çfarë po ndodh. Ishte një situatë shumë e frikshme”- tregon ai.
Më pas shton se burrin e ndaloi duke e goditur me kokë për ta rrëzuar në tokë.
“Ai u përpoq të hapte daljen emergjente, ai ishte ulur prapa dhe e kishte të lehtë të hapte një dalje emergjence. Ai ishte shumë i rëndë… E godita me kokë dhe stjuardesat ia lidhën duart me lidhëse plastike.. E mbajta për 10 minuta, i merrej fryma dhe u lodh”.- tha ai. Më tej Victor tha gjithashtu se sulmuesi bërtiste “Allahu Akbar” në mënyrë të përsëritur.
()
