Milan me ndryshime në Champions League, Pioli skicon formacionin, dilema te Newcastle

Milani debuton për këtë sezon në Champions League nesër në San Siro duke pritur Newcastle. Skuadra kuqezi do të duhet menjëherë të lërë mënjanë disfatën e hidhur në derbi dhe të përqendrohet në ndeshjen europiane, në raundin e parë. Shumë ndryshime në ekipin e Milanit priten për këtë takim, çka e ka konfirmuar edhe trajneri Pioli.

Pulisic dhe Reijnders mbeten jashtë dhe favoritë për të nisur nga minuta e parë janë Chukwueze dhe Pobega. Tomori rikthehet në mbrojtje pas pezullimit që vuajti në kampionat dhe merr kështu vendin e Kjaer.

Milanin pritet të zbresë në fushë me një skemë 4-3-3 me portierin Maignan që do ketë përpara Calabria, Thiaë, Tomori dhe Theo Hernandez. Mesfusha pritet të përbëhet nga Loftus-Cheek, Krunic dhe Pobega. Sulmi me gjasë do i besohet Chukwueze, Giroud dhe Leao.

Te Newcastle, Tonali u rikuperua, pasi nuk luajti në Premier League të shtunën. Joelinton dhe Willock mbetën në shtëpi për shkak të lëndimit, ndërsa Wilson është në dyshim pasi kreu stërvitje të diferencuara, por megjithatë u bashkua me grupin për në Milano. JS

Formacionet e mundshme: 

MILAN (4-3-3): : Maignan; Calabria, Thiaw, Tomori, Theo Hernandez; Loftus-Cheek, Krunic, Pobega; Chukwueze, Giroud, Leao.

NEWCASTLE (4-3-3): Pope; Trippier, Schar, Botman, Burn;  Bruno Guimaraes, Longstaff, Tonali; Almiron, Isak, Gordon.

()