VIDEO/ Disfatë e hidhur, Tirana bie ndaj Laçit, debutim me fitore për Josën

Tirana ka pësuar disfatë në shtëpi me shifrat 0-3 nga Laçi, në takimin e vlefshëm për javën e shtatë të kampionatit, në sfidën e mbajtur në “Selman Stërmasi”. Kurbinasit e mbyllën pjesën e parë në avantazh falë golit të Sobowale, në minutën e 42-të.

Bardheblutë u përpoqën që të reagonin në pjesën e dytë, patën disa raste të mira shënimi, por nuk u treguan konkret para porte. Në fundin e sfidës, Laçi realizoi 2 gola të tjerë me Thaleb dhe Manellari. Kështu, sa i takon renditjes, ekipi i drejtuar nga Shehi mban vendin e katërt me 10 pikë.

Po aq pikë ka edhe Laçi, por një pozicion më mirë. Kështu, trajneri i skuadrës nga Kurbini, Mirel Josa e nis në mënyrën më të mirë të mundshme aventurën në krye të skuadrës. Kujtojmë që Josa mora drejtimin e këtij ekipi vetëm pak ditë më parë, pas largimit të Bejzades.

(J.S/)