Pentagoni: SHBA-ja ofron sisteme të sigurisë për të eliminuar Hamasin, jo për të vrarë civilë
Departamenti Amerikan i Mbrojtjes ka deklaruar se SHBA-ja po ofron sisteme të sigurisë për Izraelin për të eliminuar grupin palestinez Hamas dhe se kjo nuk do të thotë për vrasjen e civilëve të pafajshëm.
“Ne pa dyshim po i japim Izraelit sistemet e sigurisë që duhen për të eliminuar Hamasin në Gaza… Kjo nuk do të thotë vrasjen e civilëve të pafajshëm,” tha zv/sekretarja për media e Pentagonit, Sabrina Singh.
Komentet e saj erdhën në përgjigje të një pyetje lidhur me raportet për një sulm izraelit në Spitalin Baptist Al-Ahli Arabi në Gaza.
“Unë jam në dijeni të raporteve, por nuk kam asgjë për të ofruar më tej në këtë moment,” tha Singh.
“Ne besojmë se ndihma e sigurisë që ata po përdorin në Gaza do të përdoret siç duhet dhe do të përdoret për të shënjestruar Hamasin, por gjithashtu duke lejuar qëllimet e asistencës civile humanitare,” tha ajo.
Singh theksoi se zyrtarët amerikanë vazhdojnë kontaktet e tyre me izraelitët për të siguruar që civilët në Gaza të kenë atë që u nevojitet dhe të mund të evakuohen në zona të sigurta.
