Sunak viziton sot Izraelin, takim me kryeministrin dhe presidentin

Kryeministri britanik, Rishi Sunak do të mbërrijë sot në Izrael për t’u takuar me kryeministrin Benjamin Netanyahu dhe presidentin izraelit, Isaac Herzog.

Sunak do të ndajë ngushëllimet e tij për humbjen e jetëve në Izrael dhe Gaza, tha përmes një deklarate zyra e tij.

Ai do të kërkojë gjithashtu hapjen e një rruge për të lejuar ndihmën humanitare në Gaza sa më shpejt të jetë e mundur dhe për t’u mundësuar shtetasve britanikë të bllokuar të largohen.

“Çdo vdekje civilësh është një tragjedi. Dhe shumë jetë janë humbur pas aktit të tmerrshëm të terrorit të Hamasit,” thuhet në deklaratë.