Deklaratat e fuqishme të Vesës në BBV, ky është reagimi i Mërgim Berishës

Në spektaklin e mbrëmshëm të ‘Big Brother VIP Kosova’ është rikthyer sërish në vëmendje historia e Vesa Vllasaliut me ish-partnerin e saj, futbollistin Mërgim Berisha. Në një rrëfim, Vesa kishte ndarë disa detaje tronditëse, duke treguar treguar edhe një herë për romancën e tyre toksike.

Mes tjerash, ajo pa edhe disa tituj të portaleve në lidhje me këtë, ku edhe kishte folur vëllai i ish-të fejuarit.

 

“Vëllai i vet normal që flet keq për mua, sepse kam biseda (chat) që më ka shkruar edhe mua. Ai është i martuar me tre fëmijë dhe e ka tradhtuar gruan e tij e më ka shkruar edhe mua. Le të flasin çka të dojnë. T’i kryejnë edhe borxhet e mia, të mi japin të gjitha gjërat e mia që i kam prej familjes time. Po luftoj për të drejtat e mia”, deklaroi mes tjerash ajo.

Vesa i kërkoi publikisht që t’ia kthejë gjërat e saj, duke thënë se ia ka shkatërruar gjithë jetën.

Pas gjithë këtyre, Berisha duket se në një formë reagoi në rrjete sociale duke publikuar një foto me partneren e re, Edonën.

Ata shihen të lumtur dhe duket se i kanë lënë pas të kaluarën e gjithë historinë.