Hasani në Bruksel: Kemi nevojë për më shumë akses në organet e BE-së
Ministri për Evropën dhe Punët e Jashtme, Igli Hasani, i cili ndodhet në Bruksel, ka marrë pjesë në takimin e Ministrave të Jashtëm të vendeve anëtare të BE-së dhe vendeve të Ballkanit Perëndimor.
Hasani konfirmoi përkushtimin e palëkundur të Shqipërisë në rrugëtimin e saj evropian, teksa nënvizoi se qeveria shqiptare po bën çmos për të përmbushur objektivat e vendosura nga BE.
Varhelyi me Hasanin: Shqipëria ka vazhduar të bëjë progres në reforma
“Raporti i javës së kaluar nga KE konfirmon angazhimin e BE ndaj rajonit. Nëse BE forcon rolin e saj global në promovimin e sundimit të ligjit, suksesi i saj në rajonin tonë është vendimtar.
Ka ardhur koha që Ballkani Perëndimor të jetë një partner në tavolinë, për të diskutuar sfidat e përbashkëta të sigurisë. Kemi nevojë për më shumë akses në organet e BE, për të përballuar kërcënimet e sigurisë,” u shpreh ministri.
At #EU-Western Balkans Ministerial, I confirmed Albania’s 🇦🇱 commitment to the Euro- Atlantic community and full alignment with EU’s common foreign and security policy.
I emphasized the crucial strategic importance of the Western Balkans’ progress towards #EU integration.
— Igli Hasani (@IgliHasani) November 13, 2023
