Tërhoqën pa leje velierën e sekuestruar, arrestohen 4 persona në Sarandë

Katër persona kanë rënë në prangat e policisë së Sarandës pasi tërhoqën pa leje një mjet lundrues tip veliere, e cila ishte sekuestruar nga policia.

Bëhet fjalë për:

– A. N., 53 vjeç, drejtuesi i anijes së peshkimit;
– A. E., 55 vjeç, S. G., 40 vjeç, M. E., 43 vjeç dhe I. A., 34 vjeç, të katërt shtetas egjiptianë, punëtorë peshkimi.

Policia njofton se është proceduar penalisht edhe punonjësi i policisë kufitare së Sarandës, që kishte për detyrë ruajtjen e mjetit lundrues.

Këta shtetas dyshohen se kanë vjedhur mjetin lundrues të sekuestruar nga Policia, që ndodhej i bllokuar në portin e Limionit, me pretendimin se kjo veliere ishte pronë e tyre.

Materialet procedurale i kaluan Prokurorisë pranë Gjykatës së Sarandës, për veprime të mëtejshme.