E goditi në pabesi, tifozët shqiptarë “bombardojnë” në grushte kolumbianin

Përballja e dy boksierëve, ajo e shqiptarit Denis Nuraj dhe kolumbianit Placido Ramirez, ka dhuruar pamjet e një skene e cila i kalon kufinjtë sportiv.

Në një moment kur Nurja ishte i dëmtuar dhe gjyqtari e ndali sfidën, Ramirez goditi pamendje Nurjen, duke i shkaktuar këtij të fundit një hutim të madh.

Kjo ka mjaftuar që tifozët të “pushtojnë” ringun ku më pas nisën në seri goditjet ndaj kolumbianit, duke prodhuar një gjest shumë të shëmtuar. U desh ndërhyrja e forcave të sigurisë, por edhe e policisë për të qetësuar situatën.

Edhe pse ishte ai që e pësoi, denis nurja u bëri thirrje të gjithëve të ndalnin sulmet për Ramirez. Në fund boksierët dolën të përqafuar duke treguar respekt për njëri-tjetrin.