E plagos dhe e lë në parking, qytetari në gjendje kritike për jetën
Policia italiane ka arrestuar një 42-vjeçar shqiptar mbi të cilin rëndon akuza e tentativës për vrasje.
Sipas mediave italiane shqiptari ka sulmuar me thikë një 50-vjeçar kalabrez. Përplasja ka ndodhur në Reggio Emilia ku banonin të dy qytetarët. Sulmi ndodhi pasditen e së martës por motivi nuk është ende i qartë.
50-vjeçari kalabrez ndodhet në gjendje kritike për jetën.
Pas ngjarjes kanë qenë kalimtarët ata që kanë njoftuar policinë për një të plagosur me thikë në një parking në zonën e Foro Boario.
42-vjeçari shqiptari ishte me precedent të mëparshëm penal.
