A është Kiara supersticioze në shtatzëni apo jo?

Kiara Tito ditën e djeshme na prezantoi me ndryshimin që ajo kishte bërë në pamjen e saj. Ajo dje ka postuar një foto me ndjekësit ku duket që i ka prerë dhe i ka ërrësuar flokët.

Menjëherë pas këtij ndryshimi, Kiara ka marrë shumë mesazhe që e kritikojnë për këtë veprim pasi sipas tyre nuk duhet t’i presësh flokët gjatë shtatzënisë.

“Nuk bën t’i presësh flokët kur je shtatzënë.”
“Bën t’i presësh thjesht s’të ecën floku tamam, nuk rritet sepse e kam provuar vetë, pastaj ti si të duash.”

Kiara e ka një përgjigje edhe për këtë pasi ajo nuk beson në gojëdhënat që gjatë shtatzënisë të mos priten flokët.

“Po shoh shumë mesazhe të tilla. Kush e thotë këtë? Të presësh flokët në shtatzëni nuk është e ndaluar! T’i presësh ose jo është zgjedhje. Nëse e keni fjalën për gojëdhëna, nuk besoj në gjërat të tilla dhe nuk jam supersticioze. Faleminderit!”

Kiara gjithashtu ka publikuar dhe video nga sheshi “Skënderbej” për Natën e Bardhë, ku Luizi këndoi këngën “Frymë” e dedikuar për vajzën e tyre që do të vijë në jetë.
Kiara ishte emocionuar shumë duke i dëgjuar vargjet e këngës ku të gjithë në shesh kënduan njëzëri me Luizin.

“Ça emocioni sonte, akoma s’e kam marrë veten nga i ftohti, por gjëja më e mirë që isha duke të parë ty!”