“Ngriti traun” për makinën me drogë ku ishte pasagjer, ja kush është shefi që u arrestua

Agjencia e Mbikëqyrjes Policore ka arrestuar këtë të enjte shefin e Kufirit të Korçës, Stiljan Pasho, pasi akuzohet për trafik droge.

Urdhri për ndalimin e 53-vjeçarit ka ardhur nga Gjykata e Shkallës së Parë në Korçë, pasi Kryekomisari “ka ngritur traun” në Kapshticë për të kaluar drejt Greqisë një automjet brenda të cilit pala greke ka gjetur 26 kg kanabis.

Arrestimi i shefit në Korçë, AMP: Lejoi kalimin e 26 kg drogë drejt Greqisë

Pasho ka qenë i ulur në vendin e parë, në momentin kur drejtuesi Lorenco Lika ka kaluar në doganë mjetin ku brenda bombolës së gazit ndodhej droga që është gjetur më pas nga autoritetet greke në një banesë në Follorinë. Arrestimin e Pashos e njoftoi edhe vetë ministri i Brendshëm Taulant Balla.