Broja në qendër të merkatos, shtohen ofertat nga Anglia dhe Italia
E ardhmja e Armando Brojas tek Chelsea mbetet ende në dyshim
Klubi londinez disa herë ka cituar se lojtari bën pjesë në planin afatgjatë të ekipit dhe kanë mohuar interesin për të shitur sulmuesin shqiptar.
Megjithatë ofertat për 22-vjeçarin sa vinë e shtohen në “derën” e bluve të Londrës.
Pak javë më parë Fulham u prezantua me një ofertë për talentin e ri, gjithashtu dhe west Ham ka shfaqur interes konkret për të dhe vazhdon të shtyjë përpara për të nisur një tratativë konkrete me Chelsean.
Por interesi për Armando Brojën vjen dhe nga ligat e tjera të Europës.
Siç raporton “Tuttosport” klubi i Torinos është i interesuar për të marrë shërbimet e sulmuesit 22-vjeçar, nuk dihet ende nëse interesi është për një marrëveshje në formë huazimi apo për një blerje të kartonit.
Klubi italian nuk ka bërë ende asnjë ofertë zyrtare, por siç raportohet në janar do përpiqet të marri lojtarin në serie A.
