Zanetti për shortin e Interit: E dinim, do jenë dy ndeshje shumë të komplikuara
Javier Zanetti, zëvendës presidenti i Interit ka folur për mikrofonat e “Sky” në lidhje me shorteun e UCL.
Zikaltërit do përballen me Atletico Madrid: Është një skuadër e vështirë për tu përballur, e njoh mirë Simeonen, do të jenë dy përballje të bukura dhe të vështira, midis dy ekipeve të mëdha” është shprehur Zanetti.
Inter doli i dyti në fazën e grupe të UCL, duke u renditur pas Real Sociedat, dhe “vulosi” fatin e tij në lidhje me shortin, për të cilin sipas Zanettit ata ishin përgatitur se nuk do të ishte aspak i lehtë.
“Në këtë pikë pasi dolëm të dytët në grupe e dinim se mund të ishte tepër e komplikuar. Kam shumë respekt për Atletiko Madrid, e njoh kulturën dhe historinë e ekipit. Ata sigurisht do të jenë një kundërshtar i vështirë për t’u mposhtur, por edhe ne jemi në gjendje të luajmë dy ndeshje të shkëlqyera. Ne do të jemi gati” përfundoi legjenda e Interit.
