Rama takim me Antonio Tajanin: Gati për firmosjen e marrëveshjes
Kryeministri Edi Rama është takuar me Ministrin e Jashtëm të Italisë, Antonio Tajani i cili njëkohësisht është dhe zëvendës kryeministri i Italisë.
Në fokus të takimit është dhe marrëveshja Shqipëri-Italia për pensionet e shqiptarëve që jetojnë dhe punojnë në shtetin fqinj.
Përmes një postimi në rrjete sociale Rama jep lajmin se më në fund do të firmoset marrëveshja e pensioneve.
“Me Ministrin e Punëve të Jashtme dhe Bashkëpunimit Ndërkombëtar të Italisë, Antonio Tajani. Dhe me lajmin e mirë se më në fuuuund jemi gati për firmosjen e Marrëveshjes së shumëpritur të Pensioneve të shqiptarëve në Itali”,shkruan rama në postim.
