Gjykata e Lartë prishi vendimin që i dha vulën, Basha: Po vendoset drejtësi
Gjykata e Lartë ka kthyer për rishqyrtim në Apel çështjen për vulën dhe logon e Partisë Demokratike. Trupa Gjykuese e përbërë nga Artur Kalaja, Ervin Pule dhe Dariel Sina kanë gjetur shkelje në vendimin e dhënë nga Gjykata Apelit, të cilët në datën 3 mars të këtij viti, pak përpara zgjedhjeve vendore, vendosi rrëzimin e vendimit të Agron Zhukrit dhe kthimin e çështjes për shqyrtim në shkallë të parë. Sot Gjykata e Lartë ka detyruar Apelin që të marrë një vendim, por me një trupë të re gjykuese. Pas vendimit ka reaguar Lulzim Basha.
“Vendimi i sotëm i Gjykatës së Lartë është një tjetër hap drejt vendosjes se drejtesise se vonuar per ceshtjen e PD. Partia Demokratike mbetet e bindur qe kjo çeshtje, peng i procedurave juridike do te gjeje zgjidhjen e duhur dhe ligjore pa vonesat e shkaktuara nga ata qe minojne drejtesine dhe te tjeret qe i tremben forcimit te opozitës” tha ai.
