Dy “bisha” BlackHawk “nisen” drejt Shqipërisë

Shqipëria do të “blindohet” me dy helikopterë amerikanë BlackHawk në fund të muajit janar. Ministria e Mbrojtjes njofton se ky është ‘një investim i madh dhe një hap i rëndësishëm që do të na japë fuqinë dhe përkushtimin e nevojshëm për të përmbushur misionet taktike dhe operacionet e emergjencave me më shumë efikasitet dhe siguri’.

“Ky lajm i shumëpritur në këtë fillimvit, në bashkëpunim me partnerin dhe aleatin tonë strategjik SHBA është një shenjë e qartë se vendi ynë po investon në forcën dhe sigurinë e tij, duke e bërë Shqipërinë një vend më të sigurt dhe të përgatitur për sfidat e ardhshme” njofton ministria e Mbrojtjes.

Helikopteri me shumë funksione BlackHawk shërben me ushtrinë amerikane dhe Forcat e Armatosura të 34 vendeve të tjera në mbarë botën.