Po shkëlqen në Itali, Ramadani kthen sytë nga Europiani: Do bëjmë surprizën

Ylber Ramadani po bën një debutim fantastik në Itali në sezonin e tij të parë[ me Leccen.

Performanca të larta në fushë dhe gjithnjë e më shumë i rëndësishëm për të tijët, e kanë kthyer mesfushorin shqiptar në një nga emrat më të lakuar së fundmi në mediat fqinjte.

Së fundmi në një intervistë për mediat e klubit, Ramadani ka rrëfyer se si është pritur në hapat e tij të parë në Itali.

“Unë dhe familja ime jemi vendosur mirë, skuadra më priti në një mënyrë të shkëlqyer. Unë nuk ndihem si lider, ka shumë liderë në dhomën tonë të zhveshjes. Është e qartë, megjithatë, ky rol kërkon një personalitet të madh. Ndihem mirë. Mesfushori qendror është një pozicion që më pëlqen dhe duhet ta pranoj se D’Aversa më ndihmoi shumë.

Ai më shpjegoi se çfarë dëshiron nga unë dhe në cilat aspekte mund të përmirësohem. Unë zura vendin e një lojtari si Hjulmand, i cili ishte i preferuari i tifozëve vitin e kaluar, por është edhe falë mbështetjes së tyre që pata një paraqitje të rëndësishme. Mbështetja e tyre më shtyu, ditë pas dite, të jap gjithçka.

Jemi në një grup shumë të komplikuar, por ne mund të jemi surpriza. Skuadra jonë është një grup që mund të bëjë shumë mirë, shumë prej nesh luajnë në ligat kryesore evropiane edhe djemtë e rinj mund të bëjnë gjithashtu shumë mirë. Do të jetë një aventurë e madhe”, deklaroi Ylber Ramadani.

Duelin e parë kuqezi në Itali për Vitin e Ri e fiton Gjimshiti