Ndërroi jetë në Angli, i sillet trupi i pajetë, ceremonia mortore bëhet të mërkurën

Leonard Farruku, shqiptari që u gjet i vdekur në 12 dhjetor 2023 në një anije hotel që menaxhohej nga qeveria angleze do t‘i kthehet trupi në Shqipëri.

Në pamundësi financiare për të sjellë trupin në Shqipëri familja hapi një “Gofund” disa ditë më parë dhe falë bujarisë së shtetasve anglez, komunitetit shqiptarë në Angli dhe shqiptarëve në të gjithë botën, është mbledhur një shumë rekord, për sjelljen në atdhe të trupit të Farrukut.

Siç mësohet nga rrjetet sociale e të familjarëve, Farruku do të përcillet në banesën e fundit të mërkurën në një ceremoni mortore të zhvilluar në Tiranë.