Largimi i dytë nga Tirana, mesfushori rikthehet në ekipin e vendlindjes
Ardit Hila nuk është më një futbollist i Tiranës, me bardheblutë që kanë konfirmuar ndërprerjen e bashkëpunimit me mesfushorin 31-vjeçar. Largimi i tij nga nënkampionët ishte bërë me dije prej kohësh, teksa pritej vetëm zyrtarizimi nga ana e klubit.
Tashmë Hila i është bashkuar Elbasanit, me futbollistin që ka arritur akordin me klubin e vendlindjes. Hila kështu është largimi i dytë nga Tirana pas Florent Hasanit që u transferua në Rumani.
“Hila kthehet në shtëpi”, shkruhej në postimin e Elbasanit, me klubin që sapo e ka nisur merkaton. Verdheblutë ndodhen në vendin e dytë në Kategorinë e Parë, me klubin elbasanas që synon rikthimin në elitën e futbollit shqiptar.
()
