Shehi gjen fitoren e parë tek Partizani, mund në përmbysje ekipin rumun
Partizani po vijon përgatitjen në Antalia, të Turqisë ku dhe janë duke zhvilluar një mini-turne përgatitorë.
Kampionët në fuqi të Shqipërisë fituan 1-3 kundër Univeritatea Cluj, skuadrës së elitës së Rumanisë.
Në duelin e ditës së sotme, Partizani e mbylli pjesën e parë në disavantazh, në minutën e 30-të një gafë e Qirkos në portë bëri që “Demat” të ndëshkoheshin.
Të besuarit e shehit reaguan menjëherë në pjesën e dytë dhe gjetën ekuilibrat me penalltinë e kthyer në gol nga Tedi Cara (48′).
Në të 67 minutë ishte Sembene që ‘fluturoi’ mbi të gjithë dhe gjeti golin e përmbysjes. Ishte Maguette që në të 73 minutë shënoi një supergol, me shifrat që u stampuan në 1-3.
Orges Shehi shijon suksesin e parë në stolin e Partizanit. Të kuqtë do rikthehen në Shqipëri, aty ku do përgatisin duelin e datës 13 janar kundër Teutës, i vlefshëm për javën e 19-të në Superligë.
GOLI I MAGET (VIDEO)
GOLI I SEMBENE (VIDEO)
