Mbante targa të vjedhura në makinë, arrestohet 25-vjeçari

Policia e Mirditës ka arrestuar një 25-vjeçar nga Tirana pasi në automjetin e tij u gjetën targa të vjedhura. Rahman Rama u vu në pranga pasi këto targa dyshohet se përdoreshin për ngjarje kriminale.

Shërbimet e Policisë së Mirditës, në bashkëpunim me ato të Policisë së Kukësit, kanë ndaluar në aksin rrugor “Krumë-Kukës”, automjetin tip “Golf” që drejtonte 25-vjeçari. Nga kontrollet në brendësi të automjetit u gjet një palë targa automjeti, që ishin denoncuar të vjedhura një ditë më parë, nga qytetari V. N., banues në Mirditë, të cilat dyshohet se do të përdoreshin për qëllime kriminale.

Targat u sekuestruan nga Policia, së bashku me automjetin tip “Golf”.