Billie Eilish injoron Dua-n në “Critics Choice Awards”
Është bërë virale së fundmi një video e Dua Lipës në ceremoninë e ndarjes së çmimeve, “Critics Choice Awards 2024”.
Bëhet fjalë për një moment të sikletshëm kur artistja shqiptare ishte injoruar nga Billie Eilish.
Kamerat kapën Dua-n duke u mbështetur tek Billie, duke u përpjekur të pozonin për një foto së bashku.
Dua u përpoq të pozonte krah për krah me Eilish, e cila me sa duket nuk e vuri re kamerën e drejtuar drejt tyre.
Në vend të kësaj, këngëtarja nuk e kuptoi këtë dhe u ul në tryezën e tyre.
Për t’u rikuperuar nga mosmarrëveshja, Dua drejtoi shpinën dhe qeshi me vete, përpara se të merrte diçka për të ngrënë nga tavolina.
