“Ishin të jashtëzakonshëm”, Unionistas tremb Xavi-n, por nuk ka “hirushe” në Kupën, në fund kalojnë blaugranët (VIDEO)

Një ekip i kategorisë së tretë tremb jo pak Barcelonën, por në fund djemtë e Xavit përmbysin rezultatin, duke kaluar në më tej në Kupën e Mbretit. Për të shmangur çdo surprizë të hidhur, Xavi kishte bërë një rotacion jo të plotë, sigurisht kishte lënë pushim disa titullarë të rëndësishëm, detaj që pati një ndikim jo të vogël në pjesën e parë ku Unionistas jo vetëm që i vendosi në vështirësi, por në minutën e 31-të me një super gol të Gomez kaluan në avantazh. Në fundin e pjesës së parë, me një kundërsulm të shpejtë, Ferran Torres barazoi shifrat në 1-1.

Në fraksionin e dytë, Barcelona mori kontrollin total të lojës dhe në minutën e 69-të, Kounde me një super gol kaloi bluagranët në avantazh. Për të mbyllur llogaritë me këtë raund të Kupës së Mbretit mendoi Balde që me një super aksion sigloi shifrat përfundimtare në 1-3.

“Jemi një skuadër në ndërtim e sipër, duhet të krijojmë më shumë, t’i kuptojmë më mirë situatat. Nuk ishim brilant pasi përballë kishim një ekip shumë të mirë si Unionistas, një ekip që bëri një punë të jashtëzakonshme”, u shpreh Xavi pas ndeshjes.

()