“Çfarë i ka dhuruar Vuçiç”? Në kërkim për sulmin terrorist në Banjskë, Milan Radoiçiç shfaqet duke festuar ditëlindjen me fishekzjarrë
I kërkuari nga Kosova për sulmin terrorist në Banjskë, Milan Radoiçiç, ka festuar si “komandant” i lirë ditëlindjen e tij të 46-të në Kopaonik të Serbisë, bazuar në pamjet që janë publikuar në rrjete sociale të enjten.
Videon e ka publikuar edhe politikani serb Nemanja Saroviç, raporton Koha.
“Milan Radoiçiç ishte në Kopaonik dje. Me fishekzjarrë dhe banerin ‘Urime ditëlindjen komandant’ festoi ditëlindjen e 46-të. Çfarë i ka dhuruar Aleksandar Vuçiçi?”- ka pyetur udhëheqësi i lëvizjes politike “Dashuri, Besim, Shpresë” në Twitter.
Në video shihet Radoiçiçi nga prapa teksa u afrohet disa burrave që mbajnë banerin. Në video shihen edhe fishekzjarrët.
AlbaniaWeb.net
