Macron mungon samitin G7 nën drejtimin e Melonit, shkak protesta e fermerëve në vendin e tij! Fton liderët të shkojnë në Paris
Presidenti i Francës Emmanuel Macron do të mungojë në samitin e G7-ës, e para nën presidencën e kryeministres italiane Giorgia Meloni.
Ai do të përfaqësohet nga ministri i Jashtëm Stéphane Séjourné.
Arsyeja e lajmëruar nga Elysee është se Macron do të jetë i zënë gjatë gjithë ditës në Agriculture Shoë, ku po përpiqet të menaxhojë krizën e fermerëve dhe për këtë arsye nuk do të mund të lidhet me një video-telefonatë siç pritej.
Në Francë, protesta e fermerëve është ende në fillimet dhe sot presidenti është thirrur të diskutojë me sindikatat për të gjetur gjuhën e përbashkët.
Për më tepër, Macron ka vendosur gjithashtu të thërrasë një tjetër samit për të hënën, i cili do të vendosë Ukrainën në qendër.
Ai do të mbahet në Paris dhe mund të ketë disa nga të njëjtët udhëheqës të thirrur sot në G7.
Mediat franceze shkruajnë se kancelari gjerman Olaf Scholz do të jetë i pranishëm, ndërsa Giorgia Meloni me shumë mundësi nuk do të marrë pjesë.
Sipas asaj që raporton La Repubblica, zgjidhja më e besueshme për momentin është që ministri i Jashtëm Antonio Tajani, të shkojë në Francë. Do të ishte, zyrtarisht, një mënyrë për të bërë një ‘pauzë’ pas udhëtimit në Kiev.
AlbaniaWeb.net
