Miranda Kerr nënë për herë të katërt/ Sjell në jetë një djalë

Miranda Kerr është bërë nënë për herë të katërt. Modelja njoftoi ditën e sotme, më 27 shkurt, se solli në jetë fëmijën nr. 4, i treti me bashkëshortin Evan Spiegel.

“Jemi shumë të gëzuar nga ardhja e rrezes sonë të vogël të diellit, Pierre Kerr Spiegel”, shkroi ajo në Snapchat. “Ne nuk mund të ishim më të emocionuar për të mirëpritur djalin tonë të katërt në familjen tonë. Ndihem kaq shumë e bekuar.”

Modelja – e cila është e martuar me Evan që nga viti 2017 – njoftoi për shtatzëninë e saj në Snapchat në shtator.

Bukuroshja brune shkroi në atë kohë: “Shumë e emocionuar të njoftoj fëmijën nr. 4. Dhe është një djalë.”