Çfarë do të ndodhë me Himarën? Prefekti Tavo: Kreun e zgjedh Këshilli, nesër mbledhja për pasuesin e Goros dhe Belerit
Institucioni i prefektit vetëm njofton Këshillin e Ministrave për vakancën e krijuar në bashkinë e Himarës, ndërsa është pikërisht këshilli bashkiak ai që cakton dhe jo zgjedh atë që do të drejtojë bashkinë e Himarës deri në zgjidhjen e problematikës së krijuar në këtë bashki.
Kështu është shprehur sot për mediat prefekti i qarkut të Vlorës, Vangjel Tavo, duke iu referuar nenit 61 të ligjit për caktimin e kryetarit të bashkisë në rast vakance.
Ditën e premte pritet të zhvillohet mbledhja e radhës e këshillit bashkiak të Himarës, por sipas prefektit ai nuk ka dijeni nëse në këtë mbledhje do të shfrytëzohet rasti edhe për caktimin e njërit prej nënkryetarëve në drejtimin e bashkisë.
Jorgo Goro dha dorëheqjen një ditë më parë duke i quajtur absurde akuzat ndaj tij për shpërdorim detyre në lidhje me tjetërsim të pronave shtetërore.
AlbaniaWeb.net
