Kosova më pranë KiE, reagon Begaj: Tani pritet vetëm hapi final në maj, i cili shënon momentin e merituar për të festuar
Presidenti Bajram Begaj ka përshëndetur vendimin e Asamblesë Parlamentare të Këshillit të Evropës për miratimin e anëtarësimit të Kosovës në këtë institucion ndërkombëtar.
Begaj falënderoi personat që kanë punuar për të mbështetur kërkesën e Kosovës për anëtarësim në KiE ndërsa shtoi se tashmë pritet vetëm hapi final.
“Përshëndes vendimin e sotëm të Asamblesë Parlamentare të Këshillit të Evropës (PACE). Falenderoj të gjithë ata që kanë punuar dhe kanë mbështetur kërkesën e drejtë të Kosovës për t’u anëtarësuar në Këshillin e Evropës. Tashmë pritet vetëm hapi final në maj, i cili shënon edhe mometin e merituar për të festuar”- shkruan Begaj në facebook.
AlbaniaWeb.net
